Bi dehan welatiyên bajarê Tebqayê cenazeyên şervanên QSD'ê Ebdulhemîd Qadir (Ebdulhemîd) û Îbrahîm Mûsa (Ebû Qeys) ên di pêngava rizgakirina Reqayê de şehîd bûn, li goristana şehîdan a Tebqayê spartin axê.

Merasîma oxirkirinê bi rêzgirtina leşkerî dest pê kir. Piştre Endamê Fermandariya QSD'ê Zinar Kobanê axivî û da zanîn, ku şervanên azadiyê ji bo avakirina jiyaneke azad û rizgarkirina tevahiya axa Sûriyê bedelên giran didin. Kobanê got, ew ê li ser şopa şehîdan bin.

Di dewama merasîmê de endama Meclîsa Sivîl a Tebqayê Asya Xerbî û Hevserokê gerînendeya avê ya bajêr Zekeriya Ehmed axivîn. Qisekeran gotin ku şehîd bi xwîna xwe welat ava dikin.

Piştî axaftinan sicîlên şervanan hate xwendin û radestî malbatan hate kirin. 

Di dawiya merasîmê de girseya gel cenazeyên her du şehîdan bi dirûşman spartin axê.