Endama Meclîsa Ciwanên Sûriyeya Demokratîk Dîlan Ehmed û xwişka wê Dilyar doh di encama êrîşeke bombeyî de ji aliyê kesên ne nas ve li mala wê şehîd bûn.

Bi hezeran welatiyên herêma Cizîrê ku endam û rêveberên MSD'ê û Meclîsa Ciwanên Sûriyeya Demokratîk jî di nav de bûn, beşdarî merasîmê bûn.

Girseya gel cenazeyê her du şehîdan ji navenda Meclîsa Malbatên Şehîdan rakir û bi karwanekî ji wesayitan berê xwe da goristana Şehîdên Teqînê ya li gundê Şêrcî.

Piştî deqeyek rêzgirtinê ji bo bîranîna şehîdan, endama rêveber a Kongreya Star a Hesekê Şêrîn Osî û endama rêveberiya Meclîsa Ciwanên Demokrat Albîn Ehmed axivîn.

Qisekeran sersaxî ji malbata her du şehîdan re xwestin û soz dan ku wê li ser şopa şehîdan bin.

Piştre girseya gel cenazeyê her du şehîdan bi dirûşm û tilîliyên dayikan sparte axê.