Qonaxa Bidawîkirina Terorê ya Pêngava Bagera Cizîrê didome. Şervanên QSD’ê ji bo rizgarkirina sivîlan gelekî hewl didin.

Çete li herêma Baxozê di qadeke 5 kîlometrekare de mane û li hemberî pêşveçûna şervanên QSD’ê sivîlan ji xwe re dikin mertal.

SIVÎLAN DIKIN MERTAL

Hate diyarkirin ku li derdora Baxozê nêzî 2 hezar çeteyên biyanî yên DAÎŞ’ê mane û çete sivîlan ji xwe re dikin mertal.

Hate ragihandin ku li herêma Baxozê serçeteyê bi navê El-Cezrawî yê ji Siûdî çeteyan bi rê ve dibe û serçeteyê berê ji aliyê şervanên QSD’ê ve hatibû kuştin.

Sivîlên ku ji aliyê şervanên QSD’ê hatibûn rizgarkirin, ragihandin ku hê bi hezaran sivîl di destê çeteyên DAÎŞ’ê de ne.