Rêveberiya Pêşxabûrê, ku aliyê Başûrê Kurdistanê yê Deriyê Sînor ê Sêmalkayê bi rê ve dibe, ragihand ku ji roja Pêncşemê û pê ve heta fermaneke cuda wê derî girtî be.

Di daxuyaniya rêveberiya Pêşxabûrê de hate gotin, "Deriyê Sînor ê Sêmalka ji 04.02.2021'ê roja Pêncşemê û pê ve wê bi temamî bê girtin. Çûn û hatin heta fermaneke din wê bê rawestandin, em hêvîdar in ku gelê me wê li gorî biryara hatiye wergirtin tevbigere."

Li ser sedema girtina derî agahî nehate dayin.