Meşa dirêj a 3 rojan ji aliyê Yekîtiya Jinên Ciwan û Tevgera Ciwanên Şoreşger tê lidarxistin.

Bi vê armancê bi dehan ciwan li navçeya Sirînê li hev kom bûn û ber bi navçeya Qinê dest bi meşê kirin.

Ciwanan bi dirûşmên "Bê Serok jiyan nabe" û "Soza me tolhildan e" dest bi meşa xwe kirin ku wê bi 35 kîlometreyan bimeşin.

Beriya destpêkirina meşê Hevserokê Desteya Ciwan û Werzîşê ya Kantona Firatê Ehmed Werzîş axivî û komploya navneteweyî şermezar kir.

Ehmed Werzîş diyar kir ku heta azadiya fîzîkî ya Rêberê Gelê Kurd Abdullah Ocalan wê timî li ser piyan bin û got, "Bila dewleta Tirk a dagirker baş zanibe ku em weke ciwan, em ê ti carî bêdeng nemînin û her tim berxwedanê bilind bikin."