welatiyên bajarê Hesekê, cenazeyên şervanên YPG’ê Çekdar Xelef (Çekdar Hesekê), Salih Selman (Şervan), Ebdulîlah Ebdullah (Alan Neşwe), Feysel El-Herbî (Feysel), Mihemed Cewal (Esed), Ehmed Mihemed (Heyder), Esed Şêx Hesen ( Şervan) ên di Pêngava Bagera Cizîrê de şehîd bibûn, ji Navenda Meclîsa Malbatên Şehîda a bajarê Hesekê wergirtin û bi karwanekî mezin ku ji sedan wesayîtan pêk dihat ber bi Goristana Şehîd Dijwar a li gundê Dawidiyê ketin rê.

Li ser rêya ketina goristanê girseya gel darbesta şehîdan hildan ser milan û heta goristanê meşiyan. Li merasîma şehîdan bi deqeyek rêzgirtina leşkerî ya ji aliyê şervanan ve destpê kir.

Piştre Endama Meclîsa Mabatên Şehîdan Fatma Hesen axivî û ji malbatên şehîdan re sebir aramî xwest û wiha got: “Şehîd ne tenê şehîdê malbatê ne, şehîdê hemû gelan in. Şehîdan ji bo parasatina doza tevahî gelên Sûriyeyê jiyana xwe feda kirine.”

Di berdewama merasîmê de li ser navê YPG`ê Kawa Hesekê axivî û destnîşan kir ku şehîdan ji bo yekbûna pêkhateyên Bakurê Sûriyeyê fedakarî kirine û got: “Em îro bi saya fedakariya şehîdan gihîştin vê qonaxa pêşketî. Şehîdan ji bo yekîtiya xakê û civaka pireng a demokratîk canê xwe feda kirine.”

Di merasîmê de li ser navê Rêveberiya Xweseriya Demokratîk jî Hevserokê Desteya Şaredariyan a Kantona Cizîrê Cozêf Lehdo axivî û destnîşan kir ku şehîdan di oxira rizgarkirina xaka Sûriyeyê de fedekariyeke mezin kirine û wiha anî ziman: “Me weke gelê Sûriye, li dijî hem cûre dijberî û hovîtiya me fikri û kevneperestiya terorîstan a li ser xama me dixwaze xwe serwer bike têk bir.”

Piştî axaftinan Endama Meclîsa Malbatên Şehîdan a Hesekê Aye El-Keleş nasnameya şehîdn xwendin û radestî malbatên wan kirin.

Di dawiya Merasîmê de, cenazeya Şehîdan bi dirûşam ‘Şehîd Namirin’ vehatin veşartin.