Li gorî nûçeya ANHA’yê cenazeyê welatiyê bi navê Reşîd Hemîd Xelîl li ser rêya gundê Qestel Cindî yê navçeya Şerayê kuştî hate dîtin û şopên êşkençeyê lê hebû. Malbatê cenaze li nexweşxaneya sivîl a bajarê Efrînê teşxîs kir.

13’ê gulanê welatiyê bi navê Reşîd Xelîl, li gel welatiyê bi anvê Şerfedîn Seydo û tevî kurekî wî yê astengdar ê 9 salî Mehmed dema pêdiviyên xwe ji bajarê dikirîn, ji aliyê çeteyên girêdayî dewleta Tirk a dagirker ve hatibûn revandin.

Çavkaniyan diyar kiribû ku çeteyan gef li malbatên wan xwarin ku heger 100 hezar dolar fîdeyê nedin wê zarokên wan bikujin û cenazeyên wan jî bavêjin çerxereya bajarê Ezazê.

Reşîd Hemîd Xelîl bavê 3 zarokan li Cindirêsê di guhertina parçeyên wesayît û motorsîklêtan de dixebitî.

Beriya du rojan jî çeteyên dîmenekî Şerefedîn Seydo ji malbata wî re şandibû. Di demên şopên çşkenceyê li bedena wî xuya bû û bang li malbata xwe dike ku hemû milkên li Efrînê bifoşînin û pereyan ji çeteyan re peyda bikin, da ku bê berdan.

Heta ti agahiyek ji Şerefedîn Seydo û kurê wî Mihemed nehatiye girtin.