Bi hezaran şêniyên Efrînê cenazeyê şervanê YPG‘ê Zekeriya Silêyman (Zekeriya Efrîn) ê 18‘ê Hezîranê dema li Helebê li ser erka xwe bû, di encama krîza dil de şehîd bibû ji nexweşxaneya Avrîn a navçeya Fafînê ya Şehbayê wergirtin û bi kerwanekî ji sedan wesayîtan ber bi Goristana Şehîdên Berxwedana Serdemê ve ketin rê.

Li goristanê, merasîm bi deqeya rêzgirtin destpê kir. Piştre, endamê Meclîsa Malbatên Şehîdan a Kantona Efrînê Hesen Silêman û endamê Meclîsa Kantona Efrînê Mihemed Naso axivîn.

axaftvanan sersaxî ji malbata şehîda re xwestin û gotin, xwîn û fedekariyên şehîdan rêya rizgariyê xêz dike.

Piştî axaftinan nasnameya şehîda hate xwendin û radestî malbatê hate kirin.

Cenazeyê şehîd Zekeriya bi dirûşmeyên dilsoziya bi şehîdan re veşartin.