Bi sedan welatiyên gundê   Ebû Xeşeb cenazeyê şervanê YPG`ê Ebid Îbrahîm yê di Pêngava  Bagera Cizîrê de şehîd bû,  ji Saziya Malbatên Şehîdan a bajarê Hesekê wergirt û bi karwanekî wesayîtan ber bi bajarokê Cezrayê ve ketin rê.

Li goristanê merasîma cenaze bi deqîqeyeke rêzgirtinê dest pê kir. Piştre ji fermandarên QSD`ê Barfan Reqa di merasîmê de axivî û wiha got; ”Em bi rêzdarî hemû şehîdan bi bîr tînin. Bi saya xwîna şehîdan herêm tên rizgarkirin û em soz didin ku em ê heyanî dawiyê li ser rêya şehîdan bimeşin.”

Di merasîmê de hevserokê Meclîsa Sivîl a Dêrazorê Xesan Yûsif axivî û sersaxî ji malbata şehîd re xwest û wiha got: “Bi saya şehîdan herêm ji çeteyan rizgar bû, ji ber ku em têdikoşin serkeftin a me ye. “

Piştî axaftinan, endama Meclîsa Malbatên Şehîdan Beraa Hemade nasnameya şehîd xwend û radestî malbata wî kir.

Di dawiya merasîmê de girseya gel cenazeyê şervanê YPG’ê Ebid Îbrahîm bi dirûşme û tilîlyan li goristanê spartin axê.