Cenazeyê şervanê YPG’ê Amûdê hate veşartin

Welatiyên taxên Şêxmeqsûd û Eşrefiyê yên Helebê bi merasîmekê cenazeyê şervanê YPG’ê Mehmûd Cemîl (Diyar Amûdê) veşartin.

Bi sedan Welatiyên taxên Şêxmeqsûd û Eşrefiyê yên Helebê cenazeyê şervanê YPG’ê Mehmûd Cemîl (Diyar Amûdê) ku di encama dil êşê de şehîd bûbû, ji Nexweşxaneya Şehîd Xalid Fecir wergirtin û ber bi Goristana Şehîdan a herêma Şiqeyf ve ketin rê.

Li goristanê ji bo bîranîna şehîdên têkoşîna azadiyê deqîqeyek rêz hate girtin û merasîmeke leşkerî hate lidarxistin. Piştre endamê rêveberiya meclîsa malbatên şehîdan Yasir Meimo û endama rêveberia koordînasyona Kongra Star Fatme Hesen axivîn û sersaxî ji malbata şehîd re xwestin.

Di axaftinan de qala rola şehîd û şervanan di rizgarkirina taxa Helebê de hate kirin. Piştre endama meclîsa malbatên şehîdan Zelîxe Qenber nasnameya şehîd xwend û radestî malbata şehîd kir.

Girseya gel bi dirûşme û tilîliyan cenazeyê şervanê YPG’ê Mehmûd Cemîl (Diyar Amûdê) li goristanê  veşartin.