Bi sedan şêniyên gundewarên Dêra zorê, endamên saziyên sivîl, saziyên leşkerî, endamên MeclÎsa Sivîl a Dêra zOêr û endamên MeclÎsa Jinan cenazeyê şervanê QSD`ê Ebadî Hemûd El-Elî (Mezlûm Cezra) ku 25`ê Îlonê dema erka xwe pêk tanî şehîd bû, li Goristana Şehîd Xidir El-Hemade ya li gundê Ebû Xeşeb spartin axê.

Merasîm bi deqeyek rêzgirtina leşkerî ya ji aliyê şervanên QSD`ê ve hat lidarxistin. Piştre ji fermanarên QSD`ê Zagros Ehmed, bi navê malbatên şehîdan Xeldûn El-Xalid û bi navê Meclîsa Ebû Xeşeb Casim El-Tebaş axivîn.

Di axaftinan de îşaret bi rola şehîdan û têkoşîna wan hat kirin, her wiha hat destnîşankirin ku ew ê destkefiyên ku bi saya şehîdan hatine bidestxistin, biparêzin.

Her wiha soza şopandina rêya şehîdan heta serkeftinê û pêkanîna aramî û ewlehiy li tevahî Bakur û Rojhilatê Sûriyê hate dayîn.

Di dawiya merasîmê de nasnameya şehîd hate xwendin û radestî malbatê hate kirin.

Cenazeyê şehîd bi dirûşim û tilîliyan spartin axê.