Bi sedan welatiyên navçeya Qamişlo Amûdê cenazeyê şervanê QSD’ê Tariq Ebdulezîz (Îsmaîl Amûdê) ku di Pêngava Bagera Cizîrê de li eniya Hecînê şehîd bûbû, ji navenda Heyva Sro a Kurd wergirtin û bi karwanekî wesayîtan ber bi Goristana Şehîd Îsmaîl Hogir ve bi rê ketin.

Li goristanê ji bo bîranîna şehîdên têkoşîna azadiyê deqîqeyek rêz hate girtin û ji aliyê şervanên YPG/YOJ’ê û Erka Xweparastinê ve merasîmeke leşkerî hate lidarxistin. Piştre berdevkê Meclîsa Malbatên Şehîdan a Amûdê Mihemed Seîd Firso û yek ji fermandarên ‘Şerê Tinekirina Terorê’ axivÎn.

Qisekeran sersaxî ji malbata şehîd re xwest û wiha gotin; “Piştî ku çeteyên Erdogan li beramberî şervanên YPG, YPJ û QSD`ê têk çûn gefên dawî yên li dijî Bakur û Rojhilatê Sûriyeyê pêk hatin.  bin ketin, gefên dawîn ên bavê DAIŞ`ê Erdogan pêk hatin.Piştî êrîşên Tirkyê li ser herêmên Bakurê Sûriyê çeteyên li Hecînê ji nû ve dest bi êrîşên giran li ser herêmên me kirin, lê me bersiva wan da û gelek cihên ku wan kontrol kiribû, me rizgar kirin."

Piştre nasnameya şehadetê ya şehîd hate xwendin û radestî malbata wî hate kirin. Girseya gel cenazeyê şervanê QSD’ê Tariq Ebdulezîz (Îsmaîl Amûd) bi dirûşme û tilîliyan li goristanê veşartin.