Girseeya gel cenazeyê  şervanê Meclîsa Leşkerî ya Minbicê Hemûdî Bekir (Hemûdî Kobanê) ku li bajarê Minbicê dema  bi erka xwe radibû şehîd bûbû, wergirtin û ber bi goristana Şehîd Dicle ketin rê.

Nûnerên Rêveberiya xweser, TEV-DEM, Hêzên Ewlehiya Hundirîn a Minbicê,  şervanên YPG/YPJ′ê û bi sedan şêniyên Minbicê û Kobanê beşdarî merasîmê bûn.

Li goristanê ji bo bîranîna şehîdên têkoşîna azadiyê deqîqeyekê rêz hat girtin û ji aliyê şervanan ve merasîmeke leşkerî hat lidarxistin. Piştre li ser navê Meclîsa Malbatên Şehîdan Silêman Silêman û Fermandarê Meclîsa Leşkerî ya Minbicê Yelmaz Minbic axivîn. Axaftvanan sersaxî ji malbata şehîd re xwestin û soza şopandina rêya şehîdên azadiyê dan. Her wiha banga bilindkirina têkoşîna li dijî terorê kirin.

Piştî axaftinan nasnameya şehîd hat xwendin, radestî malbata wî hat kirin û cenazeyê wî li goristanê bi dirûşmeya ‘Şehîd Namirin’ de hate veşartin.