Şervanê YPG'ê yê Spanyayî Ramon Maria Rull Linhof (Kendal Ramon) ku 13'ê Gulanê li gundê Baxoz ê Dêra Zorê şehîd bû, li ser wasiyeta wî li Rojava hate veşartin.

Gelê Dêrikê cenazeyê Kendal Ramon ji nexweşxaneya Şehîd Hogir rakir û bi konvoyek ji wesayitan bir Şehîdgeha Xebat Dêrik.

Cenazeyê Ramon li şehîdgehê bi merasîma leşkerî ıya şervanên xweparastinê hate pêşwazîkirin.

Ji Tabûra Enternasyonalîstan a YPG'ê Heqî Nivîskar bi Îngilîzî axivî û qala têkoşîna Şehîd Kendal Ramon a li Rojava û Dêra Zorê kir. Nivîskar diyar kir ku Ramon ji nêrîna Rêberê Gelê Kurd Abdullah Ocalan bawer dikir û got, "Kendal Ramon ji bo rûmet û azadiya gelan û nirxên neteweya demokratîk biparêze ji Spanyayê hat." Heqî Nivîskar destnîşan kir ku wê li ser şopa şehîdan bin.

Hevserokê Meclîsa Herêma Dêrikê Mihemed Ebdulrehman jî işaret bi hesasiyeta pêvajoyê kir û li dijî siyaseta dagirkeriyê ya delweta Tirk ji bo piştgirî û têkoşînê bang kir.

Piştî axaftinan sicîla şehîd hate xwendin.

Cenazeyê Kendal Ramon li ber tilîlî û dirûşman hate veşartin.