Cenazeyê şervana YPJ’ê Arîn Hacî ya bi nasnav Arîn Qamişlo dema ku li navçeya Til Koçer li ser erka xwe şehîd bibû, bi merasîmeke girseyî li Goristana Şehîd Xebat Dêrik a Qamişlo spartin axê. Girseya ku cenazeyê şehîd ji Nexweşxaneya Şehîd Hogir a li Dêrikê girtin, bi konvoyekê ber bi goristanê ve ketin rê.

Li goristanê merasîm bi deqeyek rêzgirtina leşkerî ve destpê kir. Fermandar YPJ’ê Nûjîn Dêrik di merasîmê de axivî û bibîr xist ku şehîd Arîn bi ruhekî fedayî heta dawî cihê xwe di berxwedanê de girt.

Piştre jî li ser navê Rêveberiya Malbatên Şehîdan Heqî Dêrik jî axivî û sersaxî ji malbata şehîd re xwest û destnîşan kir ku wê heta dawî şopdarên rêya şehîdan bin.

Cenazeyê şehîd piştî axaftinan û şûnde bi tilîlî û dirûşmên ‘Şehîd Namirin’ û ‘Bijî Serok Apo’ spartin axê.

Nasnameya şervana YPJ’ê wiha ye;

Nasnav: Arîn Qamişlo

Nav û paşnav: Arîn Hacî

Navê dayikê: Qediriya

Navê Bav: Izedîn

Cihê Jidayikbûnê: Abira – Girkê Legê

Cih û Dîroka Tevlêbûnê: Qamişlo/ 23/03/2018

Cih û Dîroka Şehadetê: Til Koçer/ 22/07/2018