Bi tevlîbûna sedan welatiyên Kantona Girê Spî cenzeyê her du şehîdên Hêzên Asayîşê ji Nexweşxaneya Şehîd Berçem hate girtin û bi karwaneke ji dehan wesayîtan pêk dihat ber bi Goristana Şehîd Tiûmê ve ketin rê.

Li goristanê piştî deqeye rêzgirtinê û şûnde Rêveberê Navenda Asayîşa Silûkê Feysel Ibrahîm axivî û destnîşan kir ku gef û êrîşên ku dixwazin aramî û ewlehiya bajar têk bibin, wan natirsîne. Ibrahîm soza şopandina rêya şehîdan da.

Di dewama merasîmê de Cigirê Hevserokên Kantona Girê Spî Sebrî Nebû, Endamê Meclîsa Malabatên Şehîdan Hesen Ibrahîm û Endama Kongraya Star Heyfa Muslim axivîn. Di axaftinan de sersaxî ji malbata şehîd re hate xwestin û soza şopandina rêya şehîdan hate dubarekirin.

Piştî ku nasnameya şehîdan hatin xwendin û radestî malbatê hate kirin û şûnde cenazeyê şehîdan bi dirûşma û tilîliyên dayikan spartin axê.