Cenazeyê şehîdê Hêzên Ewlekariya Hundirîn Îmad Ebûrezaq Hecî li Şehîdgeha Minbicê bi merasîmekê hate veşartin.

Merasîma li Şehîdgeha Minbicê bi deqeyeke rêzgirtinê û merasîma leşkerî dest pê kir.

Ji rêveberên Hêzên Ewlekariya Hundirîn Raîd El Ehmed li merasîmê axivî û got, "Em çi bikin jî nikarin heqê şehîdan bidin. Li pêşberî fedakariya şehîdan em bi rêzdarî bejna xwe ditewînin."

Ji Meclîsa Malbatên Şehîdan a Minbicê Werde El Ehmed jî diyar kir ku şehîd li dijî komplogeran bûn mertal û canê xwe feda kirin.

Endamê Komîteya Şaredariyan a Minbicê Sacî Ebdûlkafî jî bal kişand ser fedakariya şehîdan û soz da ku wê li ser rêya ku şehîdan nîşan dane têbikoşin.

Piştî axaftinan belgenameya şehadetê ya şehîd hate xwendin û radestî malbata wî hate kirin.

Di dawiya merasîmê cenazeyê şehîd li ber qîrîna dirûşman hate veşartin.