Cenazeyê şervanê QSD’ê Elî Mihmed Mehmûd li Tebqayê bi merasîmekê veşarti.

Merasîm bi deqeyeke rêzgirtina şervanên QSD’ê ve destpê kir. Li ser navê Meclîsa Malbatên Şehîdan endamê Rêveber ê Meclîsê Ebdulhekîm Hisên axivî û got: "Em şehîdekî û zavayekî li pey hev  bi tilîlî û serbilindî oxir dikin. Li hermberî wê israra me ya pêkanîna armancên şehîdan heye, ji ber ku wan meşaleyên serhildanê pêxistin."

Ji fermandarên Meclîsa Leşkerî ya Tebqayê Mehmûd El-Elî, di kesayeta şehîd Elî Mehmûd de hemû şehîdên azadiyê bibîr anîn û diyar kir ku wan di oxira pêkanîna jiyaneke birûmet û azad de canê xwe da.

Piştre li ser navê Rêveberiya Sivîl a Demokratîk a Tebqayê Heverokê Komîteya Têkiliyên Giştî Îbrahîm Mihemed got, şehîd bi bedenên xwe diçin, lê giyaên wan û xebatên wan rêya gelan ronî dike û bi keda xwe neteweya demokratîk û biratiya gelan ava kirin.

Piştî axaftinê endamê Meclîsa Malbatên Şehîdan a Tebqayê Mihemed El-Ereb nasnameya şehadetê xwend û radestî malbatê kir.

Şehîd bi diruşmên silavkirina berxwedanê û tilîliyên dayikan hate veşartin.