Bi sedan welatiyên navçeya Eyn Îsa ya Kantona Girê Spî cenazeyê 4şervanên QSD′ê Hemûd El-Sefîr (Nimis), Ibêd El-Nehar (Ebû Şadî) û Cemal El-Ibêd (Cemal) ên ku di demên cûda yên Pêngava Rizgarkirina Reqayê pêngava rizgarkirin Reqayê de şehîd bibûn, ji nexwexaneya Wetenî ya bajarê Girê Spî wergirtin û ber bi goristana gundê Hikûmiyê ve ketin rê.

Li goristanê merasîm bi deqeyek rêzgirtina ji bo cangoriyên azadiyê destpê kir. Piştre ji aliyê şervanên YPG,YPJ û QSD’ê ve merasîmekî leşkerî hate lidarxistin. Piştre li ser navê Meclîsa Sivîl a Reqayê Umer Elûş axivî û got ku ew bi şehadeta cangoriyên azadiyê her tim serbilind in û soza şopandina rêya şehîdan da.

Her wiha li ser navê hêzên QSD′ê Siûd El-Mihêsin jî axivî û diyar kir ku riêa şehîdan, rêya rûmeta gelane û wiha domand: ″Li pey şehîdên me gelek welatparêz hene, wê çekên wan hilgirin û welat ava bikin″.

Piştî axaftinan, nasnameyên têkoşeran hatin xwendin û radestî m malbatên wan hatin kirin. Cenazeyê her çar şehîdan bi dirûşmeyên ‘Şehîd Namirin’ û tilîliyên dayikan li goristanê hate veşartin.