Bagera Cizîrê bi şerekî dijwar dewam dike
Li başûrê şîrketa petrolê ya Cefîrê, di navbera şervanên Bagera Cizîrê û çeteyên DAIŞ'ê de şer diqewime. Li gundê Kobrayê, cenazeyên 2 çeteyan tevî çekên wan ketin destê şervanan.
Pêngava Bagera Cizîrê, ku 9'ê Îlonê li bakurê Dêra Zorê dest pê kir, dewam dike. Şervanên Hêzên Sûriyeya Demokratîk (QSD) ên li baskê Mergedeyê, li gundê Kobra yê duh ji çeteyan rizgar kirin, dest bi operasyona paqijkirinê kirin.
Di operasyonê de êlekekî çalakiya xwekujiyê, cenazeyên 2 çeteyan, motorsîkletek û B7'ek bi destê şervanan ve ketin.
Li başûrê şîrketa Cefîrê, di navbera şervanên QSD û çeteyên DAIŞ'ê de şer dewam dike.
