Artêşa Tirk a dagirker û çeteyên wê piştî ku gundê Qestel Cendo, Baflûne û Mirêmîn ên girêdayî navçeya Şera ya Kantona Efrînê, bi çekên giran topbaran kirin û şûnde, herêma Kantona Şehbayê jî dan ber topan.
Li gorî nûçeya ANHA’yê, artêşa Tirk a dagirker gundê Qestel Cindo, Baflûne û Mirêmîn bi çekên giran topbaran dike. Dîsa li gel tobparanê jî artêşa Tirk guleyên ronahiyê bikar tînin.
Êrîşên artêşa Tirk a dagirker û çeteyê wê ya li ser Herêma Efrînê berfireh bû. Vê carê derdora Kampa Rûbar a navçeya Şêrawa ya Efrînê, topbaran dike. Koçber ji ber topbaranê neçar man ku kampê vala bikin û berê xwe didin gundê Basila.
Heta niha nêzî 30 top li derdora kampê ketine.
Piştî êrîşa artêşa Tirk a dagirker a li ser gundên Efrînê vê carê bi çeteyên xwe ve, Herêma Til Rifet, gundê Şêx Îsa, Herbel, Um Hoş, Hesiye, Herîsa û Eyn Denqnê yên Kantona Şehbayê topbaran dikin.
Li ser êrîşê, Hêzên Şoreşger jî bersiv didin.
Topbarana li ser herêmê hê jî dom dike.
