Li gorî nûçeya ajansa ANHA'yê, dewleta Tirk danê vê sibehê bi topbaranê dest bi êrişeke nû li ser Şehbayê kir.

Dewleta Tirk serê sibehê saet di 05:00 de êriş bir ser gundên Meyasê û Qinitirê yên Şêrawayê, piştre jî qada êrişê berfireh kir û li gel navçeya Şerayê, bi topan êriş bir ser gundên Malikiyê, Şêwarxa, Kela Şêwarxa û Alqemiyê yên navçeyê.

LIV Û TEVGERA KEŞFÊ YA LI HERÊMÊ

Dewleta Tirk ku bênavber êriş dike, her wiha li herêmê keşfê jî dike. Li gel dema bombardûmanê balafirên keşfê li ser Şehba û Efrînê digerin.