Civîna bîranînê ji aliyê Navenda Civaka Demokratîk a Kurd (NCDK) a Osloyê hate lidarxistin û gelek kes tevlî bûn.

Piştî deqeyeke rêzgirtinê ya ji bo bîranîna şehîdên şoreşê, li ser jiyana têkoşînê ya Kaytan û Altûn sînevîzyonek hate nîşandan.

Hevserokên NCDK'ê li bîranînê axivîn, bal kişandin ser rola pêşeng a Kaytan û Altûn li nava refên PKK'ê û gotin, "Hevrêyên me yên bi Rêber Apo re dest bi têkoşînê kirin, bûn neferê ruhê têkoşîna şoreşgerî ya 52 salan. Mîrateyeke gelekî mezin ji me re hiştin; xwedîderkretina li vê mîrateyê wezîfeya me hemûyane."

Siyasetmedar û nivîskar Celalettîn Delîbaş jî di çalakiyê de axivî, qala têkoşîna li ser xeta Hîlwan-Sêweregê kir.

Delîbaş Alî Haydar Kaytan weke 'Fîlozofekî şoreşger ê li çiyê' pênase kir û bal kişand ser rola Kaytan a li Herêmên Parastinê yên Medyayê.

Delîbaş ji bo Riza Altûn jî destnîşan kir ku li zindanê berxwedêr, li çiyê fermandar, li Ewropayê dîplomat, 'hevrêyê azadiyê' bû.

Di çalakiyê de siyasetmedar û hunermend Sirri Sureyya Onder jî hate bîranîn.

Bernameya bîranînê bi dirûşmên "Şehîd namirin" û "Bijî Serok Apo" bi dawî bû.​