Akademiya Şehîd Elaa Cibo di 5’ê Cotmeha 2017’an de yekemîn dewreya leşkerî ya Tugaya Lîwaya Cebhet El-Ekrad da destpêkir. Dewreya ku 45 rojan dewam kir, têde waneyên ramyarî, taktîkên şer û bikaranîna çekên giran hate dayîn.

Dewreya perwerdê bi merasîmekî leşkerî bi dawî bû.  Di merasîmê de Fermandarê Giştî yê Hêzên Şoreşger ên Hevbeş Hacî Ehmed, fermandarê Lîwaya El-Şemal El-Dîmoqratî, Ceyş El-Siwar, Eniya Parastina Jin a Şehbayê û malbata Şehîd Rustum Ekrad amade bûn.

Ji  fermandarên Eniya Parastina Jin a Şehba Sosin Bîrhat di merasîmê de axivî û wiha got: “Perwerdeya siyasî û leşkerî ezmûnên baş da ku hûn bikaribin rola xwe ya dîrokî bilîzin û layîqî xwîna şehîdên gelê xwe bin. Bi avakirina vê tûgayê ku ji hemû pêkhateyan pêk tê, em yekrêziya xwe biparêzin û bibin eniyek.”