Pêngava Rizgarkirina Reqayê di roja 30. de ye. Ji duh êvarê ve li gelek eniyan şerekî dijwar di navbera şervanên Hêzên Sûriyeya Demokratîk (QSD) û çeteyên DAIŞ'ê de diqewime.

Li başûrê bajêr, li taxa Hîşam Ebdilmelik şer derket û şervanan 17 çete kuştin. Wesayiteke bombarkirî jî rûxandin. Di şer de 3 şervan şehîd ket, 2 jî birînar bûn.

Li rojavayê bajarê jî li taxa Qadisiyê, çeteyan danê sibehê hewl dan êrîş bikin. Şervanên bi vê yekê hesiyan, bersiv dan û êrîşa çeteyan şikandin. 

Her wiha Li taxa Reqa ya kevn ku şervan beriya sê rojan derbasî nav bûn, pêşketin dewam dike û şervanan mizgefta kevn dorpêç kirin û çete niha li wir hatine asêkirin.

Li taxa Berîd a li bakurê bajêr jî şer bi dijwarî diqewime. Li wir jî 19 çete hatin kuştin, du wesayitên çeteyan hatin rûxandin.

Di vî şerî de şervanekî QSD'ê şehîd bû, 3 jî birîndar bûn.