Gelek kesên li ber Meclîsa Malbatên Şehîdan a Hesekê li hev civiyan, cenazeyên Faris El Metrud, Yasîn El Îsa û Xelî Elî yên di 26'ê Hezîranê de li Reqayê şehîd bûn rakirin û birin gundê Cididêt Xabûr ê Keramayê.

Girseya gel li ber pêşiya gund, darbesta şehîdan hildan ser milan û ber bi goristanê ve meşiya. Li vê derê merasîmeke leşkerî hate lidarxistin. Li ser navê Hêzên Asayîşê Yûsif Silêman axivî û destnîşan kir, ku ev rojên azad û bi rûmet bi saya şehîdan pêk hatine.

Endamê Meclîsa Sivîl a Reqayê Azîz Karamê jî li vir axivî û anî ziman, ku Reqa wê di demeke kin de rizgar bibe û ev rizgarî wê bi saya şehîdan be.

Di dawiya merasîmê de ji Rêveberiya Hêzên Asayîşê Yisra Fetihelah belgeyên şehadetê yên şehîdan xwend û radestî malbatan kir. Cenazeyên her sê şehîdan piştre li ber qîrîna dirûşme û tilîliyan hate veşartin.