welatiyên navçeya Şedadê û El-Erîşe yên kantona Hesekê, cenazeyê şervanên QSD`ê Ehmed El-Asî (Yûsif), Cîhad Ehmed (Erîşe), Mihemed El-Elî (Demhat) û Şerîf Elî (Xalid Deşîşe) ku di Pêngava Bagera Cizîrê ya ‘Şerê Tinekirina Terorê’ de li gundewarên Dêra Zorê de şehîd bûne, li Goristana şehîdan a Şedadê spartin axê.

welatiyan cenazeyên her 4 şehîdan ji Meclîsa Malbatên Şehîdan a bajarê Hesekê wergirtin û bi karwanekî ber bi Goristana Şehîdan a Şedadê ve ketin rê. Li goristanê merasîm bi deqeyek rêzgirtina Hêzên Erka Xweparastinê destpê kir.

Di merasîmê de endamê Meclîsa Malbatên Şehîdan Nacî Nicûm axivî û sersaxî ji malbatên her 4 şehîdan re xwest û got şehîd ji bo azadî û aramiya gelê herêmê canê xwe feda kirine.

Di dawiya merasîmê de nasnameya şehîdan hatin xwendin û radestî malbatan hatin kirin. Piştre jî cenazeyê şehîdan bi dirûşim û tilîliyan spartin axê.