Bi sedan şêniyên Tebqayê tevlî merasîma şehîdên Meclîsa Leşkerî ya Tebqa ya di bin sêwana QSD’ê de cih digirt yên bi navê Ehmed Cedû (Ehmed Şîhab) û Şemsî Cedû (Ebû Elaa) ku di Berxwedan Rûmetê ya li dijî artêşa Tirk a dagirker û çeteyên wê de şehîd bûbûn, bûn.

Merasîm li Goristana şehîdan a Tebqayê bi deqeyek rêzgirtina leşkerî ji hêla şervanên Meclîsa Leşkerî ya Tebqayê û girseya amade ve pêk hat.

Piştre bi navê Meclîsa Malbatên Şehîdan Reşa El-Taha, li ser navê Meclîsa Leşkerî ya Tebqayê Fermandar Doçka Mihemed û bi navê Rêveberiya Sivîl a Demokratîk a Tebqayê cîgirê Hevserokatiya Meclisa Qanûnsaz Şahdî Îbrahîm axivîn.

Di axaftinan de sersaxî ji malbatên şehîdan re hate xwestin, her wiha êrîşên dagirkerî û qirkirinê yên dewleta Tirk jî şermezar kirin. Di dewama axaftinan de daxwaz ji gel û pêkhateyên herêmê hatin xwestin ku li dijî êrîşên dewleta Tirk û çeteyên wê rawestin.

Piştî nasnameya şehîd hate xwendin û şûnde cenazeyên şehîdan bi dirûşiman veşartin.