Cenazeyê şervanê YPG’ê Kemal Osman (Bahoz Efrîn) ê 29‘ê Çileya 2019‘anli bajaroka Mebrûka yê Serêkaniyê dema erka xwe pêk di anî di encama qezayekê de şehîd bibû û cenazeyê şervanê QSD‘ê Dilbirîn Salih (Şiyar) ê ku 1‘ê Sibatê di Pêngava Bagera Cizîrê de şehîd bibû bi tevlêbûna bi sedan welatiytên Kantona Kobanê bi merasîmekî li Goristana Şehîd Diclayê hatin veşartin.

Di merasîmê de Meclisa Malbatên Şehîdan nasnameya Gerîlaya YJA-Star Rewşen Mizê (Hêlîn Kobanê) ku di 9‘ê Kanûna 2016‘an de li Garê şehîd bibû û şervanê YPG ‘ê Muxîs Bozo (Amed Reş) di 17‘ yê Îlona 2014‘ an de di berxwedana Kobanê de şehîd bûbûn jî hatin eşkerekirin.

Li goristanê merasîm bi deqeyek rêzgirtina leşkerî destpê kir. Di merasîmê de Hevserokê Desteya Xweparastinê ya Kantona Kobanê Îsmet Şêx Hesen, Rêveberê Kantona Kobanê Ferhat Kobanê û li ser navê malbatan jî Şiyar û Ednan Kobanê axaftin kirin.

Di axaftinan de sersaxî ji malbatên şehîdan re hate xwestin û soza şopandina rêya şehîdan hate dayîn.

Piştre nasnameyên şehîdbûnê yên şehîdan hatin xwendin û radestî malbatên wan hatin kirin.

Cenazeyê şehîdan bi dirûşimên dilsoziya bi şehîdan û tilîliyên dayikan ve spartin axê.