Şehîd Xalid Hemûd li Serêkaniyê spartin axê
Bi sedan şêniyên bajarê Serêkaniyê yê girêdayî Kantona Hesekê cenazeyê şehîdê Hêzên Erka Xweparastinê Xalid Hemûd ê ku di 6‘ê Tebaxê 2019’an de li Dêra Zorê di dema li ser erka xwe şehîd bûbû, spartin axê
Bi sedan şêniyên bajarê Serêkaniyê yê girêdayî Kantona Hesekê cenazeyê şehîdê Hêzên Erka Xweparastinê Xalid Hemûd ê ku di 6‘ê Tebaxê 2019’an de li Dêra Zorê di dema li ser erka xwe şehîd bûbû, spartin axê
Cenazeyê şehîd Xalid Hemûd ji nexweşxaneya Roj a bajarê Serêkaniyê hate girtin û bi peyatî berê xwe da Goristana Şehîdan a Serêkaniyê ya li bajêr.
Li goristanê, merasîm bi deqeyeke rêzgirtina leşkerî ya ji hêla YPG û Hêzên Erka Xweparastinê ve destpê kir. Piştre bi navê Meclîsa Malbatên Şehîdan a bajêr Abdulrezaq Mihemed û bi navê hêzên leşkerî birpirsê Têkiliyan ê Hêzên Erka Xweparastinê Salim Îbrahîm axivîn.
Kesên axivîn sersaxî ji malbata şehîd xwest û îşaret pê kir ku dewlet Tirk nikare ewlehî û aramiya herêmê têk bibe û ev hate gotin:"Gelên herêmê bi saya zend û israra ciwanan, her wiha bi keda hêzên leşkerî û malbatên şehîdan wê gefên dagirkeran têk bibin."
Kesên axivîn soza şopandina rêça şehîd heta serkeftin û pêkanîna daxwazên têkoşer û şehîdan dan.
Piştre jî nasnameya şehîda Xalid Hemûd ji hêla endamê Hêzên Erka Xweparatinê ve hat xwendin û radestî malbatê hate kirin.
Cenzayê şehîd di nava tilîliyên dayikan û diruşmên silavkirina şehîdan de spartin axê.