Merasîmê bi deqeyek rêzgirtinê dest pê kir.  Endamê Meclisa Malbatên Şehîdan Mihyedîn Hesen sersaxî ji malbata şehîd re xwest û diyar kir ku Hêzên Ewlekariya Hundirîn berpirsyariya parastina xakê û gel girtin ser xwe.

Hesen banga parastina destkeftiyên ku bi keda şehîdan hatin bidestxistin û piştevaniya hêzên parastinê kir.

Piştre Endamê Rêveberê Hêzên Ewlekariya Hundirîn a bajarê Qamişlo Şiyar Mihemed axivî û got: " Em ê rê nedin ku komplo û planên li dijî Rojava û gelên wê ku destkeftiyên bi saya 11 hezar şehîd hatine bidestxistin.”

Şiyar Mihemed di dawiya axaftina xwe destnîşan kir ku ew ê şopdarên rêya şehîdan û fikirê Rêberê Gelê Kurd Abdullah Ocalan bin.

Piştî axafinan wesîqeya şehîd hate xwendin û radestî malbatê kirin.

Cenazeyê şehîd li ber berzkirina dirûşmeyan li Goristana Şehîdan a Delîl Saroxan hate veşartin.