Êrîş li ser avahiyeke li taxa taxa Kefr Sûsa hate kirin ku herêmeke ewlekariya bilind e. Li vê taxê bi taybetî avahiyên dezgehên ewlekarî û îstixbaratê hene û berpirsên payebilind lê ne.

Wezareta Parastinê ya Sûriyeyê diyar kir ku êrîşa hewayî saet di 00:22’an de ji aliyê herêma Golan a dagirkirî ve hatiye kirin û ragihand ku li Şam û derdora wê gelek sektor hatine hedefkirin.

Wezareta Parastinê di bîlançoya xwe ya yekem de ragihand ku di encama êrîşê de 5 kesan jiyana xwe ji dest dane û 15 kes jî birîndar bûne ku rewşa piraniya wan giran e.

Çavdêriya Sûriyê ya ji bo Mafên Mirovan dîyar kir ku, bîlanço girantir bûye û da zanîn ku 15 kes di nav de sivîl jî heyî mirine.

Li gorî Çavdêriya Sûriyê, êrîşê li dijî avahiyek nêzîkî navenda çandî ya Îranê hatiye kirin û navendên ku milîsên Îranî û Hizbullahên Lubnanî lê ne hedef hatine girtin.

Hat diyarkirin ku, ev êrîş êrîşa herî kujer a Îsraîlê ya li Şamê ye.

Li gorî ajansa Sana ya ser bi hikûmeta Şamê ve, gelek avahî zirar dîtine.