Dewleta Tirk a dagirker û komên wê yên çete êrîşî deverên sivîlan yên li Efrîn û Şehbayê dikin.

Şevê din saet 23'an çeteyên dewleta Tirk bi tank û topên obusê êrîşî gundên Merenaz û Vîlla Qadî yên girêdayî navçeya Şera kirin. Şervanên YPG û YPJ'ê di cih de bersiv dan êrîşa çeteyan. Heman demê, komên çete bi doçka û çekên giran êrişî gundên Merenazê kirin.

Li aliyê Elqamiyê jî, balafirên keşfê 4 bombe avêtin derdorê.

Li derdora navçeya Şêtawa jî, çeteyên dewleta Tirk, gelek topên hawanê avêtin gundên Bircikê Silêman û Girê Barîn..

Li dijî girê Şehîd Zîlan ê li navçeya Cinderesê jî, êrîşa bi çekên giran pêk hat.

Êrîşa çeteyên dewleta Tirk li dijî gundewarên herêma Şehbayê jî zêde bû. Şevê din komên çete gundên Til Medîq, Hirbil û bajarokê Şêx Îsa topbaran kirin.