Dewleta Tirk a dagirker û artêşa ku ji çeteyên DAÎŞ, El Nusra û yên wek wan avakirî ji duh ve bi rengekî giran Zirganê topbaran dikin.

Şeva berê di encama artêşên dewleta Tirk a dagirker û çeteyên wê de 4 sivîl şehîd bûn û 10 kes jî birîndar bûn. Vê êvarê jina bi navê Fatme Elî Mehbûb (35) ê ji bajarok birîndar bû û rakirin nexweşxaneya Hesekê.

Artêşa Tirk a dagirker û çeteyên wê malên bajarokê Zirganê bi dijwarî topbaran dikin. Her wiha gundên Dada Ebdal ê li bakurê rojavayê bajarokê Rebîat û Muheremê topbaran dikin.