Akademiya Şehîd Dijwar Efrîn dewreya perwerdeyê ya bi navê "Şehîd Serhed Hesekê" bi dawî kir a ku 240 şervanên ji bajarên Dêra Zor, Hesekê û Kobanê tev lê bûbûn.

Perwerdehiya Hêzên Sûriya Demokratîk (QSD) 15 rojan berdewam kir û di perwerdehiyê de şervanan waneyên bîrdozî û leşkerî  dîtin.

Perwerde bi merasîmekê bi dawî bû. Di merasîmê de ji bo bîranîna şehîdên têkoşîna azadiyê deqîqeyek rêz hate girtin û piştre şervanan merasîmeke leşkerî li dar xist. Fermandar Ciwan Genterî di merasîmê de axivî bidawîbûna dewreya perwerdehiyê li şervanan pîroz kir.

Ciwan Genterî bi domdarî wiha got; “Têkoşîna me ya li dijî DAIŞ`ê bi teqez wê berdewam be heta ku tevahiya Sûriyeyê ji çeteyan were paqijkirin.”

Piştre şervanan sonda leşkerî xwarin û berê xwe dan Pêngava Bagera Cizîrê ya li Dêra Zorê.