Hêzên Sûriya Demokratîk (QSD) têkildarî mijarê li ser malpera xwe ya fermî daxuyaniyeke nivîskî weşand.

Di daxuyaniyê de hat gotin: “2 şervanên me Kawa (Mihemed Kerîm El Elo) û Qeyser (Mehmûd Yûsif El Mihemed) dema ku erka xwe ya leşkerî li bajarokê Mergede yê gundewarê Dêrazorê pêk dianîn, şehîd bûn.”

Di daxuyaniyê de îşaret bi rola her du şehîdan di têkoşîna li dijî çeteyên DAÎŞ’ê de hat kirin û hat gotin: “Her du şervanên me beşdarî gelek operasyonên dijî çeteyên DAÎŞ’ê bûn, berxwedaneke mezin raber kirin, bi vîn û baweriyeke xurt a serkeftinê şer kirin.”

QSD’ê sersaxî da malbatên şehîdan û soz da malbatên şehîdan, hevrêyên xwe û gelê Bakur û Rojhilatê Sûriyeyê ku ew ê armancên şehîdan ên mayîndekirina ewlehî û aramiyê pêk bînin.

Nasnameyên şehîdan li gorî daxuyaniyê wiha ne:

Nasnav: Kawa

Nav û Paşnav: Mihemed Kerîm El Elo

Navê Dayikê: Henûf

Navê Bav: Kerîm

Cih û Dîroka Jidayikbûnê: Um Medfeh-Zên El Meberc/1986

Cih û Dîroka Şehadetê: Mergede/21.Cotmeh.2023

**

Nasnav: Qeyser

Nav û Paşnav: Mehmûd Yûsif El Mihemed

Navê Dayikê: Besme

Navê Bav: Yûsif

Cih û Dîroka Jidayikbûnê: Reşîdiyê/2001

Cih û Dîroka Şehadetê: Mergede/21.Cotmeh.2023