Li Amedê, bi destpêkirina dengdayînê re zexta namzetên AKP, polîs û leşkeran a li hemberî hilbijêr û heyetên çavdêriyê kêlî bi kêlî zêde dibin. Li Çermûgê mudaxle li hilbijêran hat kirin. Li Yenîşehîrê jî destûr ji heyeta çavdêriyê re nehat dayîn ku xwe bigihîne qada sindoqê.

Li gundê Alakoç ê Çermûgê, leşker bi çekan ketin herêma sindoqê û pêşî li dengdayînê digirin.

Li gundê Alangor a Yenîşehîrê jî leşkeran heyeta ji Başûrê Kurdistanê kirin binçavan.

Li gundê Yokûşlû yê Pîranê, Ramazan Tûnç ê ji heyeta Îtalî û DYA'yî re tercûmanî dikir, hat binçavkirin.