Xebatên KNK’ê yên bi armanca yekîtiya netewî ya Kurdistanê didomin
Kongreya Netewî ya Kurdistanê KNK bi armanca tûra duyem ya civîna şêwra yekîtiya netewî ya Kurdistanê li Hewlêrê li gel Tevgera Îslamiya Kurdistanê rûnişt.
Li gorî nûçeya ajansa Rojnewsê Îro saet 10:00’an şandeyeke KNK’ê ku ji Endamê Desteya Rêveber a KNK’ê Faruq Cemîl, Endamên KNK’ê Ferhad Doskî û Feryad Hîranî pêk dihat, serdana Polîtburoya Tevgera Îslamiya Kurdistanê ya li Hewlêrê kir.
Hat ragihandin ku şande ji aliyê Berpirsê Desteya Rêveber ya Polîtburoya Tevgera Îslamî Kamîl Hacî Elî û Endamên Desteya Rêveber Dr. Ebdullah Wertî û Ehmed Germiyanî û Endamên Rêveberiya Tevgera Îslamî Serbaz Xoşnaw ve hat pêşwazî kirin.
Serdana KNK’ê di çarçoveya serdana alî û partiyên Kurdistanê de ye û ji bo armanca tûra duyemîn a civîna şêwra yekîtiya netewî ya Kurdistanê ye.
