Li paytexta Skoçya Edînbûrghê, polîsan avêtin ser malên Kurdan. Polîsan avêtin ser mala 5 endamên meclîsa gel û welatparêzan û dest danîn ser pirtûk û pereyê şexsî yê Kurdistaniyan. Polîsan deriyê komeleyê şikandin û dest danîn ser wêne û eşyayan.

Piştî serdegirtinê Kurd li komeleyê li hev civiyan û rewş nirxandin. Kurdan diyar kirin, ku ew ê paş ve gavê neavêjin û xwedî li saziyên xwe derkevin. Kurdan destnîşan kirin, ku polîsên Skoç bi Konsolosxaneya Tİrk re tevdigerin.

CIVÎN

Biryarên di civînê de hatin girtin wiha ne:

"Wê li ber avahiya parlamentê xwepêşandana protestoyî were lidarxistin,

Danê êvarê saet di 18:00 de li avahiya komeleyê civîna çapemeniyê bê lidarxistin,

Roja Şemiyê wê biçin qereqola polîsan a navendî û her kes xwe îxbar bike,

Wê hevdîtin bi parlamenter û sendîkayan re bên kirin,

Weke Civaka Azad a Brîtanyayê têkiliyên derve bên danîn."

Di vê navberê de di dema civînê de polîsan avêtin ser mala endamekî meclîsê.