Têkîldarî zextên dewleta Tirk a li ser çapemeniya azad û mûxalîf, astengkirina weşanên Med Nûçe TV û Newroz TV ya ji hêla şîrketa satalaytê EÛTELSAT’ê, li Meclîsa Parlamenteran a Konseya Ewropayê têkîlî didomin.

Koordînatorê Weşana Med Nûçeyê Ferda Çetîn, Rojnamevan Heval Nesrîn Aslan û Koordînatora Bernameyan a ÎMC TV Ayşegul Dogan bi Serokê Meclîsa Parlamenteran a Konseya Ewropayê Pedro Agramûnd re civiya.

Di hevdîtinê de têkîldarî zextên li ser çapemeniya Kurd û mûxalîf û biryara EÛTELSAT’ê ya ji bo girtina televîzyonên Kurdan, agahî hatin parvekirin.