Parlamenterê HDP'ê yê Şirnexê Faysal Sariyildiz, li Parlamenta Eyaletê ya li bajarê Elmanya Dresdenê, bi heyetek ji Partiya Çep re rûnişt.

Komîteya Têkiliyên Derve ya Navenda Civaka Demokratîk a Kurd li Dresdenê jî tevî Sariyildiz di hevdîtinê de amade bû.

Sariyildiz di vê hevdîtinê de li ser komkujiyên dewleta Tirk li Cizîr, Nisêbîn û gelek bajarên Kurdistanê kiriye, agahî da. Sariyildiz da xuyakirin, ku divê mijar biçe ber destê dadgehên navneteweyî û di vî warî de alîkariya rayedarên Partiya Çep xwest.

Ji Partiya Çep serokê eyaletê Rîco Gebhardt û parlamenterên Sachsenê jî dan xuyakirin, ku ew ê destekê bidin Kampanya Malbata Bira. Heyetê her wiha rakirina destnedana parlamenterên HDP'ê şermezar kir û ragihand, ew pêvajoyê ji nêz ve dişopînin.