Li Mersînê, 100 kes di hefteya bihurî de hatibûn binçavkirin, ku Hevşaredara Akdenîzê Yuksek Mûtlû jî di nav de heye. Li dû binçavkirinê, qeyûm li Şaredariya Akdenîzê hate tayînkirin. Qeymeqamê Tirk ê li Akdenîzê Hamdî Bîlge weke qeyûm li şaredariyê bi cih bû. Bi hejmareke zêde ya polîsan û maşînên zirxî dor li avahiya Şaredariya Akdenîzê hate girtin. Destûr nayê dayîn kesek xwe nêzî şaredariyê bike."

Li gorî agahiyan, rayedarên dewleta Tirk bang li Alîkarê Hevşaredaran Bedettîn Gundeş kirine û jê re ragihandine, ku qeyûm hatiye bicihkirin.