Li Yewnanîstanê Kongreya awarte ya Syrîzayê berdewam dike. Syrîza bi vê kongreyê ve dixwaze derketinek xurtir bi dest bixe. Ji bo kongreyê ji bilî gelek partiyên sosyalîst ên cîhanê, HDP û PYD jî hatin dawetkirin.

Di roja yekem a kongreyê de Hevserokê HDP’ê Selahattîn Demîrtaş peyam da û bal kişand li ser têkoşîna hevpar.

Di roja duyemîn ya kongreyê de axaftin berdewam dikin.

Hevserokê PYD’ê Salîh Mûslîm û ji YNK’ê Mele Bextiyar jî di kongreyê de peyamên xwe dan.

Muslîm destnîşan kir ku têkiliyên di navbera Kurdan û Yewnanan de dîrokî ne û qedera her du gelan jî wek hev in. Salîh Muslîm diyar kir ku di vê demê de ji bo Yewnanîstanê Hikûmetek çepgir wek şansekê ye û ji bo kongreyê serkeftin xwest.