Ji bo Onder li Navenda Civaka Demokratîk a Kurd ya Kopenhagê merasîmek hat lidarxistin. Hevserokê Kongra Gel Remzî Kartal, Nûnerên saziyên Kurdan, xebatkarên çapemeniyê û gelek Kurdistanî tevlî merasimê bûn.

Di merasimê de, sînevîzyona ku qala jiyana Onder dike hat temaşekirin û Hevserokê KONGRA GEL Remzî Kartal axivî û got; "Onder ne tenê xebatkarê çapemeniyê bû. Welatparêzekî mezin yê Kurdistanê bû. Xeyala wî ya Kurdistanekî azad wê were pêkanîn."

WESİYETA WÎ: GİRÊDAYÎ TEKOŞÎNA KURDİSTANÊ BİMÎNİN

Keçên Onder yên bi navê Binevş, Zelal û Rûken di merasimê de diyarkirin ku beriya bavê wan wefat bike wesiyeta xwe wiha aniye ziman; "Dewleta Tirk qet efû nekin û girêdayî tekoşîna Kurdistanê bimînin."

Li ser navê xebatkarên çapemeniyê Rêşad Sorgûl axivî û diyar kir ku Mehmûd Onder ji bo çapemeniya Kurdî gelek ked daye.

Di merasimê de peyama KCK'ê, Hevserokê Partiya Gelan HDP'ê Selahattin Demirtaş, KNK û BDP'ê hat xwendin.

Herî dawî Serokê Yekitiya Îslamî a Kurdistanê Hafiz Turhallî jî axivî û diyar kir ku Mehmûd Onder mûcahîdekî yê zimanê Kurdî bû.

Piştî merasimê cenazeyê Onder li Kopenhagenê hat definkirin.