Mirovên di komkujiya 13'ê Mijdarê ya li paytexta Fransa Parîsê de jiyana xwe ji dest dan, li bajarê Marsîlyayê hatin bîranîn.

Navenda Civaka Demokratîk a Kurd li Marsîlyayê, bi alên YPG û PKK'ê tevlî merasîmê bû. Kurdan di bîranînê de pankarta bi nivîsa "Piştgiriyê bidin Kurdên ku li dijî DAIŞ a barbar şer dikin" hildan û rastî eleqeya Fransiyan hatin.

Di çalakiyê de, piştî deqeyeke rêzgirtinê, ji bo bîranîna mirovên di komkujiyê de jiyana xwe ji dest dane find hatin vêxistin û sirûdên enternasyonal hatin xwendin. Hat destnîşankirin, ku têkoşîna li hemberî dijminê mirovahiyê DAIŞ'ê wê bi biryardarî bidome.