Qetilkirina Serokê Baroya Amedê Tahîr Elçî li paytexta Fransa Parîsê bi daxuyaniyeke çapemeniyê hat protestokirin. Nûnerên CDK-F û Yekîtiya Hêzên Demokratîk tevlî daxuyaniya çapemeniyê ya li Navenda Civaka Demokratîk a Kurd  a li Parîsê bûn.

Di daxuyaniya piştî deqeyek rêzgirtinê de hat diyarkirin ku ji ber Elçî got, “PKK ne rêxistineke terorê ye” ji aliyê AKP û medyaya wê ve hedef hatiye girtin.

Di daxuyaniyê de wiha hat gotin, “Em ê di pêşengiya şehîdên xwe de têkoşîna xwe ya li hember faşîzmê pêş bixin û têkoşîna xwe heta serketinê bidomînin.”