Dr. Seda Altug anî ziman ku mimkun e plana êrîşa li hember Kobanê yek ji xala muzakereya di navbera dewleta Tirk û DAIŞ de be û got ku Tirkiye ji Mijdara 2012’an ve piştgiriya madî û lojîstîk dide komên êrîşî Rojava dikin. Dr. Altug diyar kir ku pêvajoya çareseriyê jî vê van pêşveçûnan bandor bûye û got, "Di rewşa niha de di mijarên berdana çekan û vekişînê de wê gel û rêxistin bi xwestek tevnegerin.”

Dr. Seda Altug ku ji ANF’ê re axivî got ku ji sala 2012’an ve Tirkiye piştgiriya madî, lojîstîk û asîstaniyê komên Îslamî yên radîkal û selefî, ji bo derbasbûna wan jî derfetan çêdike.  

'ÊRÎŞA LI HEMBER KOBANÊ YEK JI LINGÊ MUZAKEREYA DI NAVBERA TIRKIYE-DAIŞ DE YE'

Dr. Altug, destnîşan kir ku êrîşa li hember Kobanê û serbestberdana rehîneyên di destê DAIŞ de rastî heman demê hatiye û got, "Ji ber detay bi raya giştî re nehatine parve kirin agahiyeke teqez di destê me de tune ne, lê belê yek ji xala girîng a vê muzakereyê ku Kurdan eleqedar dike dibe ku êrîşa li hember Kobanê be. Bêguman rehîne di encama muzakereyên di navbera DAIŞ û TC de hatin berdan. Di destên me de agahiyên ku têkiliyên cuda di navbera DAIŞ û Tirkiyeyê de piştrast dikin hene.”

Dr. Altug bi bîr xist ku ji bo pêvajoya çareseriyê ya li Tirkiyeyê dawiya Îlonê hatiye diyarkrin û wiha dewam kir, "Hewl didin daxwazên perwerdeya bingehîn a Kurdan bipelçiqînin, tevî ku heta niha tu gaveke berbiçav nehatiye avêtin berevajî vê polîtîkayên lewazkirina Rojava didomin. Ji bo dewletê rêvebirina muzakereyan wek rehîngirtina îradeya aliyê li hember dibîne û daxwaza mafekî demokratîk ê Kurdan wek pêngaveke xerakirina muzakereyan dibîne.”

'DI REWŞEKE KU DESTKETIYÊN WAN DI BIN ÊRÎŞAN DE BIN GERÎLA ÇEKAN DANAYNE'

Li gor Dr. Seda Altug pêvçûnên li Rojhilata  Navîn vekişîna gerîla û çekberdana wan ji asta gel û rêveberên rêxistinê de kir nav zehmetiyan û wiha dewam kir, "Aloziya ev du hefteyên dawî û destketiyên Kurdan ên li Rojava ku di bin êrîşan de ne ji bo mijara vekişîna gerîla pirsnîşan çêkir. Di rewşa niha de di mijarên berdana çekan û vekişînê de wê gel û rêxistin bi xwestek tevnegerin.”