Li Wanê polîs û tîmên taybet dibistan dorpêç kirine, Kurdistanî jî ji ber îxtîmala diziya dengan li pêşiya dibistanan disekinin. Polîsan hewl dan ku bi dijûn û heqaretan ve Kurdistaniyan belav bikin. Polîsên ku hewl didin Kurdistaniyên li pêşiya Dibistana Tahîr a li Taxa Şehîd Firat a navçeya navend a Artemêtanê belav bikin, TOMA û wesayîtên zirxî bi ser gel de ajotin. Polîsan xwestin bi bombeyên gazê gelê li pêşiya Dibistana Ferît Melen a li Taxa Şabaniye belav bikin.

Kurdistanî li pêşiya dibistanan disekinin, li gel wesayîtên zirxî yên polîsan, cîpên bê plake jî balê dikişînin. Tîmên taybet û polîsan dibistan dorpêç kirine û nahêlin kes nêz bibin.