Li gorî qenala televîzyonê ARD'ê, daneyên bi sedan siyasetmedaran piştî êrîşeke sîber li ser hesabekî Twîtterê hatin eşkerekirin.

Di nava daneyan de yên hatine eşkerekirin; nûmarayên kartên kredî, nûmarayên telefonê, navnîşan, nameyên şexsî û kopya karta nasnameyê hene.

Partiya Alternatîf ji bo Elmanya (AfD) ne di nav de, êrîş li Partiya Yekîtiya Demokrat a Xiristiyan (CDU), Yekîtiya Civakî ya Xiristiyan (CSU), Partiya Keskan, Partiya Demokrat a Azad (FDP), Partiya Çep û partiyên din ên sereke, hate kirin.

Berdevkê Partiya Çep (Dîe Lînke) ragihand, gelek endamên wan jî bûne mexdûrê êrîşa sîber. Hate ragihandin, Serokê Koma Bûndestag a Dîe Lînke Dîetmar Bartsch jî yek ji mexdûran e.

Li gorî ajansa nûçeyan DW'ê, piştî ku êrîşa sîber a li dijî siyasetmedaran eşkere bû, roja Înê li Navenda Parastinê ya Sîber a Elmanyayê civîneke awarte hate lidarxistin.