Çalakiya nobedê ya li pêşiya avahiya Konseya Ewroapyê (KE) ku bi şîara ji bo azadiya Rêberê Gelê Kurd Abdullah Ocalan hatiye lidarxistin, ji aliyê 5 Kurdistaniyên ji bajarê Rennes ê Fransayê hatîn ve hate dewirgirtin.
Çalakiya Nobeda Azadiya Ocalan a kete hefteya 263’an ji aliyê welatparêzên Kurd ên bi navên Haydar Goçmen, Şehmûs Amed, Ciwan Osman, Emîn Bûldan û Încî Golan ên ji bajarê Rennesê hatin ve hate dewrigirtin. Hefteya bihurî çalakî ji aliyê koma Kurd a ji Normandiyê ya Fransayê ve hatibû dewirgirtin.
Çalakgerên ku ji roja Yekşemê ve ji saetên zû yên sibehê heta derengiya şevê ve nobedê digirin, broşor, biyorafî û pirtîkên têkoşîna Rêberê Gelê Kurd û firên wî yên têkildarî tevgera jina Kurd pêk tên, belav dikin. Çalakger her wiha pirsên turîstên biyanî û welatiyên Fransî yên li ser Ocalan û Kurdan jî bersiv dide.
Nobeda Azadiya Ocalan a 25’ê Hezîrana 2015’an û vir ve destpê kirî heta niha 1500 kes beşdar bûne. Her hefteyê Kurd û dostên wan ên ji bajarên cuda yên Ewropayê beşdar çalakiyê dibin.
Jinên Kurd hema bêje her hefteyê cihê xwe di çalakiyê de digirin, Tevgera Jinên Kurd ên Ewropa (TJK-E) û rêxistinên jinan ên yekbûyî komên serbixwe tenê ku ji jinan pêk tên jî beşdarî nobed dibin.
